Гукаць вясну на Маладзечаншчыне будуць 23 сакавіка ў Вязынцы

Як расказала Край.бай дырэктар філіяла Дзяржаўнага літаратурнага музея Янкі Купалы ў Вязынцы Лілія Норка, свята ладзяць сумесна Дзяржаўны літаратурны музей і Студэнцкае этнаграфічнае таварыства.

Гэта будзе трэцяе Гуканне вясны ў Вязынцы. Край.бай пісаў пра яго летась і пазалетась. Фотарэпартаж з мінулага года можна паглядзець ТУТ.

Як гукалі вясну ў 2012 годзе

Сёлета ў праграме традыцыйныя спевы і танцы, у якіх удзельнічаюць гурты “Паўночная Сухадроўка”, “Княжыч”, “Варган”, “Горынь”, “Кудмень”, “Guda”, “Dainava”, клуб традыцыйнага танца “Sita”, музыкі Дзяніс Сухі, Раман Яраш, іншыя.

Таксама запланаваныя гульні, карагоды, кірмаш рамёстваў. Можна будзе пачаставацца традыцыйнымі стравамі.

Уваход платны. Кошт білета для дарослых – 6 000 рублёў, для студэнтаў – 4 000, для школьнікаў – 3 500 рублёў.

Будзе працаваць філіял музея Янкі Купалы, можна будзе замовіць экскурсію.

Праезд з Мінска і Маладзечна да Вязынкі – на электрычцы. Адпраўленне з Мінска – у 11.32, з Маладзечна – у 11.23.

Валеры ТРАЦЯК
Фота Сяргея ЛЕСКЕЦЯ