Фотарэпартаж: “Каўбоі” скакалі на гумовых шарах на выпускным вечары ў маладзечанскім садку

У дзіцячым садку №15 горада Маладзечна прайшоў выпускны вечар для дзяцей старэйшай групы 2006-2007 гадоў нараджэння.

Выхаванцы для бацькоў падрыхтавалі насычаную праграму: сцэнкі, спевы і танцы, паказалі свае веды і жаданне вучыцца ў школе. Запамінальнымі былі сімвалічная перадача цацак малодшым выхаванцам, шкодніцтвы бабулі Шапакляк, танцы каўбояў на гумовых шарыках і першы вальс.

З вуснаў будучых школьнікаў прагучалі словы ў бок выхавацеляў і персанала садка. Адна мама заўважыла, што як не старалася, але са слоў яе сына, катлеты ў садку ўсё роўна смачнейшыя былі. Кожны выхаванец ад бацькоў атрымаў па падарунку. Пасля святочнага канцэрта усіх чакаў "салодкі стол".

Сяргей ЛЕСКЕЦЬ