Дзіцячы цэнтр «Расток» творыць дабро ў Маладзечне (ФОТА)

Першым у шэразе мерапрыемстваў у межах дабрачыннай акцыі стаў конкурс-выстава па дэкаратыўна-прыкладному і выяўленчаму мастацтву “Святло душы маёй”. Адкрыццё яго ў дзіцячым цэнтры культуры “Расток” адбылося 22 красавіка.

Свае работы ў намінацыях “Святочны падарунак”, “Святочная паштоўка” і “Вясенні пейзаж” прадставілі ўдзельнікі з 19 устаноў горада Маладзечна і Маладзечанскага раёна. Пасля таго, як члены журы падвялі вынікі і ўручылі ўзнагароды, кіраўнік народнай студыі выяўленчага мастацтва “Чароўная палітра” Вольга Кавальчук і кіраўнік студыі ДПМ “Умелыя ручкі” Лілія Рудзінская правялі майстар-клас па ўпрыгожванню вярбы да свята Вербная нядзеля. Гасцямі мерапрыемства сталі наведвальнікі аддзялення дзённага знаходжання Маладзечанскага раённага цэнтра сацыяльнага абслугоўвання насельніцтва. На прыканцы сустрэчы ім уручылі паштоўкі і падарункі, зробленыя ўдзельнікамі выставы.

30 красавіка супрацоўнікі цэнтра “Расток” зладзілі канцэртна-забаўляльную праграму «Ты и я – мы с тобой друзья» для вахаванцаў Маладзечанскай спецыяльнай агульнаадукацыйнай школы-інтэрната №2 для дзяцей з парушэннем зроку. А 3 мая “Расток” з тэатралізаваным прадстаўленнем “Пасха светлая прыйшла – усім радасць прынясла” наведаў цэнтр карэкцыйна-развіваючай адукацыі і рэабілітацыі дзяцей і моладзі.

– Мы ўпэўненыя ў тым, што такія мерапрыемствы маюць месца быць, – зазначыла кіраўнік аб'яднання "Спадчына" ДЦК "Расток Марына Полаз. – І галоўная іх мэта – несці радасць, дараваць дабрыню і чуласць. Мы спяшаемся тварыць дабро, быць уважлівымі і міласэрднымі да тых людзей, хто побач!!!

Кацярына СУШКО па матэрыялах, прадастаўленных Край.бай дзіцячым цэнтрам культуры “Расток”
Фотаздымкі прадастаўлены дзіцячым цэнтрам культуры “Расток”