Батлеечнае прадстаўленне і фэсцік – спецыяльна для дзяцей на свяце «Ракуцёўскае лета» на Маладзечаншчыне (праграма)
29 ліпеня у філіяле Дзяржаўнага музея гісторыі беларускай літаратуры «Фальварак Ракуцёўшчына» адбудзецца традыцыйнае свята паэзіі і песні «Ракуцёўскае лета».
Сёлета свята пачнецца ў 11.00 з прывітальнай імпрэзы ля помнікаў-валуноў і ўскладання кветак. Усе ахвотныя змогуць пазнаёміцца з экспазіцыяй музея «Фальварак Ракуцёўшчына», паведамляе «Маладзечанская газета».
Роўна ў поўдзень пачнецца літаратурна-музычная кампазіцыя «У родным краі» з удзелам беларускіх пісьменнікаў, музыкантаў, дзеячаў культуры. Паўдзельнічаюць і маладзечанцы: народны фальклорна-этнаграфічны ансамбль «Маркаўчанка», асобныя выканаўцы. Свае вырабы прадставяць майстры раённага цэнтра рамёстваў.
У праграме мерапрыемства таксама традыцыйныя беларускія і салонныя гульні XIX стагоддзя, квэст, бард-сядзібнік. Асаблівая ўвага скіравана на тое, каб зацікавіць дзяцей. Спецыяльна для іх – батлеечнае прадстаўленне, музейна-педагагічныя заняткі «Сам зраблю батлеечную ляльку», «фэсцік», у час якога можна будзе пазнаёміцца з музычнымі інструментамі.
Дабрацца ў Ракуцёўшчыну проста: электрычкай – да станцыі Уша, аўтобусам ці маршрутным таксі – да Краснага. Адтуль да Ракуцёўшчыны не больш за кіламетр.
Читайте также
