Опубликовано: 04 июня 2014, 10:48
38

Адзінаццацікласнік з Маладзечна выратаваў хлопчыка, які тануў у рацэ

1 мая маладзечанец Уладзімір Грахоўскі, вучань СШ №14, разам з бацькамі быў на дачы ў вёсцы Падбярэзь Валожынскага раёна. Вечарам ён ішоў недалёка ад ракі – у тых мясцінах цячэ Заходняя Бярэзіна – і раптам пачуў дзіцячыя галасы.

Аб гэтым піша “Маладзечанская газета”.

– На беразе было чалавек 15 малечы. Мяне штосьці насцярожыла, хаця на дапамогу ніхто не клікаў, – расказаў юнак.

Ён хутка падышоў да іх і заўважыў, што у вадзе захліпваецца малы. Уладзімір, не вагаючыся, нырнуў у раку.

– Да яго давялося плыць метраў сем. Не памятаю, ці халодная была вада, не ведаю, якая там глыбіня, але з маім ростам (амаль 180 сантыметраў) дна я так і не адчуў. Паблізу знаходзілася дамба, і малога пачало зносіць цячэнне. Але выхапіць Лёшу з вады ўсё ж удалося. Гэта, дарэчы, мой сусед, ён першакласнік. Як трапіў у ваду – невядома. Ля рэчкі расце шмат пагнутых дрэў, і дзеці любяць па іх лазіць.

Валодзя ўпэўнены, што на яго месцы так зрабіў бы кожны.

Пра ўчынак хлопца блізкія і сябры даведаліся зусім нядаўна – інфармацыя дайшла ў Беларускае рэспубліканскае таварыства выратавання на водах.

У час урачыстасці, прысвечанай заканчэнню навучальнага года, ў СШ №14 сярод лепшых вучняў быў адзначаны і выпускнік ваенна-патрыятычнага класа Уладзімір Грахоўскі.

Старшыня раённай арганізацыі Таварыства ратавання на вадзе Мікалай Паўлушаў уручыў яму ганаровую грамату і грашовае заахвочванне.

Паводле “Маладзечанскай газеты”

Читайте также

Открытие чемпионата мира по городошному спорту пройдет 2 августа в Молодечно
Открытие чемпионата мира по городошному спорту, который пройдет в Молодечно с 1 по 8 августа, состоится 2 августа.
Авторитетное мнение судебного эксперта - как сохранить личное имущество на летнем отдыхе
Зачастую, пребывая на летнем отдыхе, люди бывают «опьянены» как красотами Мядельского района, так и спиртными напитками, что чревато кражами личных вещей, либо банальной забывчивостью того, где они оставляют и куда кладут свое имущество.
Более 280 литров окрашенного топлива изъято у жителей Докшицкого района
По всей республике правоохранители продолжают проводить рейды, направленные на выявление хищений товарно-материальных ценностей на объектах агропромышленных комплексов.