Абвешчаны «Кірмаш праектаў» для Міншчыны
Дэдлайн прыёму заявак – 27 мая.
Любіце свой горад і ведаеце, як зрабіць яго прывабнейшым для жыхароў і гасцей? Марыце рэалізаваць свае творчыя амбіцыі? Прапануйце ідэю і знайдзіце аднадумцаў і партнёраў, каб яе ажыццявіць!
Грамадская культурніцкая кампанія «Будзьма беларусамі!» і Цэнтр даследавання грамадскага кіравання «СІМПА» абвяшчаюць конкурс «Кірмаш праектаў» для гарадоў і мястэчак Міншчыны!
Як паведамілі kraj.by у ГКК «Будзьма беларусамі!», кірмаш праектаў – месца, дзе збіраюцца культурніцкія прапановы, іх аўтары і крытыкі. Гэта магчымасць падзяліцца сваёй ідэяй і натхніць іншых людзей разам яе рэалізаваць.
Удзел у кірмашы можа ўзяць кожны жыхар Міншчыны любога ўзросту і роду дзейнасці. Аформіце вашу ідэю ў прэзентацыю ў PowerPoint.
Прэзентацыя павінная ўключаць наступныя звесткі:
– інфармацыя пра аўтараў (прозвішча, імя, арганізацыя) і як з вамі звязацца (нумар тэлефона/электронная пошта/сацсеткі);
– назва ідэі/праекта;
– мэта і сутнасць ідэі;
– чаму і каму гэта неабходна;
– калі і дзе ідэя мусіць рэалізавацца;
– якія рэсурсы вы ўжо маеце і якія – шукаеце (каманда, партнёры, бюджэт).
Дасылайце свае ідэі да 27.05.2018 уключна на адрас kirmash.praektau@gmail.com.
Фінальная прэзентацыя праектаў адбудзецца 30 мая ў Маладзечне!
Падчас прэзентацыі вы зможаце:
– распавесці пра свой праект/ідэю шырокай і невыпадковай аўдыторыі;
– апрабаваць і прарэкламаваць свае задумы;
– атрымаць экспертную і народную ацэнку свайго праекта;
– знайсці аднадумцаў, партнёраў, валанцёраў, пляцоўкі і рэсурсы для рэалізацыі вашай ідэі;
– пазнаёміцца з іншымі цікавымі і ініцыятыўнымі людзьмі свайго горада;
– натхніць сваім прыкладам тых, хто таксама мае файныя ідэі, але пакуль не ажважыўся выйсці з імі на публіку.
Пасля выніковай імпрэзы экспертная рада адбярэ найбольш цікавыя і абгрунтаваныя праекты, з прадпрымальнай камандай і канкрэтнымі крокамі па рэалізацыі, новымі падыходамі да вырашэння праблем і культурна-сацыяльным кірункам. Кампанія «Будзьма беларусамі!» і «СІМПА» акажуць усю магчымую дапамогу: ад кансультацый да рэалізацыі.
Збор ідэй да 27 мая 2018 года ўключна!
Даведкі і падрабязнасці : +375 (29) 712-18-03 (Святлана), kirmash_praektau@gmail.com,
Як праходзілі «Кірмашы праектаў» у розных гарадах Беларусі, глядзіце тут.
Kraj.by
Читайте также
