13 і 14 чэрвеня пройдзе ХІV Нацыянальны фестываль беларускай песні і паэзіі «Маладзечна-2014»
Адбылося пасяджэнне аргкамітэта фестывалю, на якім разглядаліся пытанні падрыхтоўкі да рэспубліканскага свята.
Аб гэтым паведамляе «Маладзечанская газета».
На аргкамітэце паведамілі, што другі тур рэспубліканскага конкурсу маладых выканаўцаў беларускай эстраднай песні адбудзецца 13 чэрвеня ў Палацы культуры. Сярод прадстаўнікоў Мінскай вобласці двое маладзечанцаў – Наталля Ламака і Артур Міхайлаў.
У гэты ж дзень вечарам у Летнім амфітэатры прагучаць пазыўныя адкрыцця фестывалю. Стануць вядомыя імёны лепшых маладых выканаўцаў, пройдзе тэматычны канцэрт «70 гадоў Перамогі».
У дзіцячай школе мастацтваў выступяць Нацыянальны акадэмічны канцэртны аркестр Беларусі, на Цэнтральнай плошчы – Нацыянальны акадэмічны народны хор Рэспублікі Беларусь імя Г.І. Цітовіча, адбудзецца сустрэча з беларускімі паэтамі і канцэрт сучаснай беларускай песні ў Палацы культуры.
Будзе арганізавана фестывальная пляцоўка ў Чысцінскім сельскім Доме культуры.
Закрыццё фестывалю таксама адбудзецца ў Летнім амфітэатры. Запланаваны гала-канцэрт да 45-годдзя Беларускага дзяржаўнага ансамбля «Песняры» і феерверк.
Паглядзець, як праходзіў фестываль у 2013 годзе, можна ТУТ. Праграма свята на 13 і 14 чэрвеня – ТУТ.
Паводле «Маладзечанскай газеты»
Нашли ошибку в тексте? Выделите ее и нажмите Ctrl + Enter
Читайте также
