Стала вядома, дзе можна і дзе нельга купацца летам у Маладзечанскім раёне (СПІС)
Камісіяй па добраўпарадкаванні вызначаны месцы для летняга адпачынку і вадаёмы на Маладзечаншчыне, дзе можна купацца.
Аб гэтым паведамляе «Маладзечанская газета».
Вадаёмы, дзе можна купацца:
– Удранка (Радашковічы, недалёка ад дзіцячага аздараўленчага лагера «Маяк»),
– ля санаторыя «Сасновы Бор»,
– ля дома адпачынку «Алеся»,
– паблізу вёскі Хажова (фермерская гаспадарка «Цвецень»),
– у пасёлку Беразінскае.
Купацца забаронена ў рацэ Уша, азёрах у Крыніцы і Насілаве, у кар’еры ў Ізабеліне.
Каб пазбегнуць няшчасных выпадкаў, не варта купацца ў вадаёмах, не даследаваных спецыяльнымі службамі. Абсалютна непрыгодныя для водных забаў рака Уша, азёры ў Крыніцы і Насілаве, кар’ер у Ізабеліне. А яшчэ трэба памятаць правілы паводзін на вадзе.
Для таго, каб адпачынак быў бяспечным і прыемным, адпаведныя службы запланавалі прывесці ў належны стан пад’язныя дарогі да зон адпачынку, берагавыя зоны, адрамантаваць ценявыя навесы, туалеты, раздзявалкі, устанавіць сметніцы і арганізаваць іх ачыстку, зманціраваць інфармацыйныя стэнды з правіламі паводзін на прыродзе, у час купання, пажарнай бяспекі, а таксама шчыты з прыладамі для выратавання людзей і абмежавальныя буі.
Паводле «Маладзечанскай газеты»
Читайте также
