Партал Край.бай разыгрывае білет на канцэрт гуртоў “Стары Ольса” і “Палац”

Канцэрт адбудзецца ў межах сумеснага тэлевезійнага праекта Белтэлерадыёкампаніі, тэлеканала Беларусь 3 і Палаца культуры горада Маладзечна “Маладзечна запрашае”.

Аматараў жывой беларускай музыкі 26 лістапада запрашаюць на фолк-парад! Гледачоў чакаюць выступленні гуртоў “Стары Ольса” і “Палац”. У рэпертуары калектываў – беларускія народныя балады і воінскія песні, творы беларускіх кампазітараў эпохі Рэнесансу, кампазіцыі з беларускіх зборнікаў прыдворнай музыкі (“Полацкі сшытак”, “Віленскі сшытак”), беларускія канты XVI − пачатку XVII стагоддзяў, а таксама еўрапейскія папулярныя мелодыі эпохі Сярэднявечча і Рэнесансу. Беларускі аўтэнтычны фальклор групы выконваюць як у арыгінальным гучанні, так і ў апрацоўках. Пачатак у 19.00.

Партал Край.бай і Палац культуры горада Маладзечна разыграюць адзін білет на фолк-парад. Удзельнікам трэба адказаць на некалькі пытанняў. Білет атрымае той, чый ліст з правільнымі адказамі прыйдзе на наш e-mail другім па ліку.

Умовы конкурсу:

- правільныя адказы на пытанні неабходна даслаць на электронную пошту spec2@kraj.by і пазначыць кантактную інфармацыю для сувязі з Вамі;

- пакінуць каментар пад артыкулам з пытаннямі – напісаць, чаму Вы хочаце схадзіць на прадстаўленне, або любы іншы каментар. Для гэтага неабходна быць зарэгістраваным чытачом партала Край.бай;

- нельга дасылаць больш за адно пісьмо з аднаго і таго ж паштовага адраса;

- у тэме пісьма АБАВЯЗКОВА пазначыць "Розыгрыш білета";

- супрацоўнікі партала Край.бай і іх блізкія не могуць удзельнічаць у конкурсе.

Пытанні розыгрышу:

1) Каму прысвечаны помнік, усталяваны ў Маладзечне на скрыжаванні вуліц Таміліна і Вялікі Гасцінец?

2) У якім годзе была ліквідавана Маладзечанская вобласць?

3) Які фестываль праводзіцца ў нашым горадзе з 1993 года?

4) Якая падзея 1873 года спрыяла росту мястэчка Маладзечна?

5) Назавіце два гербы горада Маладзечна, што на іх адлюстравана?

Дана ЗАКРЭЎСКАЯ