18 красавіка на Мядзельшчыне распачнецца маштабная літаратурная вандроўка «Шляхамі паэтаў»
Цягам года маршрут пройдзе па мясцінах Максіма Танка, Янкі Купалы і Якуба Коласа.
Гэты год для Міншчыны літаратурнай асабліва значны – будзе 100-годдзе з дня нараджэння Максіма Танка, 130-годдзе з дня нараджэння Янкі Купалы і Якуба Коласа, паведамляе сайт minpraud.by.
Журналісты «МП» разам з калегамі з рэспубліканскай газеты «Звязда», членамі абласных аддзяленняў Беларускага саюза журналістаў і Саюза пісьменнікаў Беларусі, прадстаўнікамі галоўнага ўпраўлення ідэалагічнай работы, а таксама ўпраўлення культуры Мінаблвыканкама сёння, 18 красавіка, выпраўляюцца на Мядзельшчыну, дзе ў Цэнтральнай раённай бібліятэцы імя Максіма Танка ўрачыста будзе дадзены старт маштабнай акцыі. Пасля чаго ўдзельнікі акцыі пабываюць у родных Максіму Танку Пількаўшчыне, Сватках, у Вілейцы і Радашковічах, дзе вучыўся паэт, на Слабадскім пагосце, дзе ён знайшоў апошні спачын.
Цягам года маршрут пройдзе праз купалаўскія мясціны на Маладзечаншчыне і коласаўскі край, Стаўбцоўшчыну. Сустрэчы, успаміны, сцежкі, якімі хадзілі Песняры, іх нашчадкі. Усё гэта дапаможа наноў паглядзець на неацэнную спадчыну, скарб, які пакінулі нам пісьменнікі.
Па матэрыялах сайта minpraud.by.
Читайте также
