Опубликовано: 18 августа 2014, 11:24
45

У Астравецкім раёне з’явілася памежная застава Маладзечанская

У населеным пункце Жарнэлі Астравецкага раёна пачала працаваць новая мабільная памежная застава пад назвай Маладзечанская.

Маладзечанскі раённы выканаўчы камітэт і Смаргонская пагранічная група, кіруючыся даручэннем прэзідэнта Рэспублікі Беларусь ад 27 студзеня 2014 года аб прысваенні створанай у населеным пункце Жарнэлі Астравецкага раёна пагранічнай заставе наймення Маладзечанскай, 6 жніўня падпісалі дамову аб эканамічным і сацыяльна-культурным супрацоўніцтве. Аб гэтым 14 жніўня піша “Маладзечанская газета”.

16 ліпеня ў Смаргонскай пагранічнай групе да выканання задач па ахове дзяржаўнай мяжы ў Астравецкім раёне прыступілі дзве новыя мабільныя памежныя заставы.

Ужо ў наступным годзе распачнецца стварэнне іх інфраструктуры паблізу населеных пунктаў Буйкі і Жарнэлі, да 2017 года плануецца цалкам абсталяваць сучасны комплекс аховы. Пакуль жа ў гэтым напрамку пагранічнікі нясуць службу на часовых памежных пастах.

За няпоўны месяц існавання часовых памежных пастоў у зоне іх адказнасці затрымана 46 парушальнікаў памежнага заканадаўства, у тым ліку 17 парушальнікаў мяжы, 29 парушальнікаў пагранічнага рэжыму. Гэта ў асноўным нелегальныя мігранты з краін Паўднёва-Усходняй Азіі (грамадзяне В’етнама), а таксама грамадзяне Грузіі, Пакістана, Кіргізіі.

Уладкаванне пастоў працягваецца.

Пры ўвядзенні ў дзеянне памежнай заставы Маладзечанскай яна будзе абсталявана сучаснымі сродкамі аховы Дзяржаўнай мяжы, тут будуць створаны неабходныя сацыяльна-бытавыя ўмовы.

Паводле “Маладзечанскай газеты”

Читайте также

Опасная находка: в Поставском районе обнаружены артиллерийские снаряды времен Великой Отечественной войны
В Поставском районе вблизи деревни Хотилы во время проведения ремонтных работ обнаружены три 152-мм артиллерийских снаряда времен Великой Отечественной войны. Еще один снаряд был обнаружен при обследовании территории вблизи деревни Лесные Мулеры.
Что сделают по благоустройству в Мядельском районе
2025 год Указом Президента Республики Беларусь объявлен Годом благоустройства. Дан старт пятилетке качества. В комплексе это предусматривает создание и поддержание удобной, безопасной, современной и эстетически организованной среды жизнедеятельности людей. Это важная составляющая развития любого населенного пункта, так как влияет на наше качество жизни, привлекает туристов и способствует экономическому росту.