“Вясна-2013” пачынаецца ў Маладзечне, ці Як мясцовыя мастакі ладзяць выставу
Адкрыццё выставы Маладзечанскага аб’яднання прафесійных мастакоў пры Саюзе мастакоў Беларусі пад назвай “Вясна-2013” адбудзецца ў Цэнтральнай раённай бібліятэцы імя Максіма Багдановіча 4 красавіка.
Як паведаміла Край.бай загадчыца аддзела абслугоўвання і інфармацыі бібліятэкі Таццяна Закрэўская, выстава ладзіцца штогод мастакамі Маладзечаншчыны.
Сёлета ўдзел у мерапрыемстве прымуць Мікола Аўчыннікаў, Кастусь Харашэвіч, Рыгор Мяжуеў, Уладзімір Тамашэвіч, Анатоль Акулік, Сяргей Крук і іншыя мясцовыя мастакі.
Выстава працягнецца да канца красавіка. “Яна будзе складацца з мастацкіх прац па ўласным выбары ўдзельнікаў. Наведвальнікі ўбачаць фармальныя і рэалістычныя творы, новыя і ўжо вядомыя гледачу палотны”, – зазначыла Таццяна Закрэўская.
Адкрыццё выставы адбудзецца ў 17.00 у фае другога паверха.
Вольга НЯЎЗОРАВА
Читайте также
