Выставу вышыўкі «Адкрыццё святой прыгажосці» можна ўбачыць у Маладзечне (ФОТА)
Выстава адкрылася ў зале мастацтваў Цэнтральнай раённай бібліятэкі імя М. Багдановіча 6 сакавіка. Яна будзе працаваць да 6 красавіка.
Як паведаміла Край.бай загадчыца аддзела інфармацыі і абслугоўвання бібліятэкі Таццяна Закрэўская, аўтар выставы – былая мастачка Маладзечанскай фабрыкі мастацкіх вырабаў Раіса Брысюк, якая стаяла ля вытокаў стварэння на прадпрыемстве дэкаратыўнай лялькі.
«На выстаўцы прадстаўлены яе вышываныя іконы, пейзажы, нацюрморты з кветкамі, сурвэткі, рушнікі, абрусы, – зазначыла яна. – У дадатак да гэтага супрацоўнікамі аддзела мастацтваў падрыхтавана выстава кніг і часопісаў, якія раскрываюць сакрэты розных відаў рукадзелля: вышыўкі, бісерапляцення і іншых».
Вольга НЯЎЗОРАВА
Фота прадастаўлена Край.бай супрацоўнікамі Маладзечанскай цэнтральнай раённай бібліятэкі імя М. Багдановіча
Читайте также
