У Маладзечне пройдуць здымкі навагодніх музычных вечароў з удзелам «Песняроў» і Пятра Ялфімава
Тэлеканал «Беларусь-3» здыме ў Маладзечне навагоднія вечары з удзелам папулярных беларускіх артыстаў.
У Палацы культуры пачалі рыхтавацца да Новага года, піша «Маладзечанская газета».
Сярод мноства тэматычных мерапрыемстваў – сумесны прэм’ерны праект гэтай установы, тэлеканала «Беларусь-3» і Мінскага абласнога выканаўчага камітэта.
Тэлеверсію музычных вечароў можна будзе ўбачыць напярэдадні Новага года.
У рамках тэлепраекта адбудуцца тры канцэрты, на якіх выступяць вядомыя выканаўцы Пётр Ялфімаў, Жанэт, Алёна Ланская, а таксама вакальныя групы «Чараўніцы» і «Камерата», ансамбль «Песняры», арт-група «Беларусы» і інш.
Запланавана творчая вечарына і нашага земляка – лаўрэата міжнародных конкурсаў Уладзіміра Александровіча.
Таксама пройдзе юбілейны творчы вечар заслужанага дзеяча культуры Рэспублікі Беларусь Рыгора Сарокі. У канцэрце прымуць удзел заслужаны калектыў Рэспублікі Беларусь сімфанічны аркестр музычнага каледжа імя М.-К. Агінскага і выпускнікі гэтай навучальнай установы.
Паводле «Маладзечанскай газеты»
Читайте также
