У Маладзечне адбудзецца канферэнцыя, прысвечаная гісторыку Міколу Ермаловічу
5 мая ў канферэнц-зале бібліятэкі «Верасок» пройдзе канферэнцыя, прысвечаная 95-годдзю маладзечанскага гісторыка Міколы Ермаловіча.
Арганізатарам мерапрыемства з'яўляецца Маладзечанская цэнтральная раённая бібліятэка, расказала парталу Край.бай загадчыца аддзела абслугоўвання і інфармацыі ўстановы Таццяна Закрэўская. Сустрэча адкрыта для ўсіх ахвотных, таму прыйсці на яе можа кожны неабыякавы да памяці пра гэтага неардынарнага чалавека.
На канферэнцыю запрошаны такія вядомыя дзеячы культуры, як Вячаслаў Рагойша, Віктар Шніп, Людка Сільнова, Навум Гальпяровіч і іншыя. Пачатак у 11.00.
Мікола Ермаловіч з жонкай Лідзіяй
Дачка Міколы Ермаловіча Алена (на фота справа)
Магіла Міколы Ермаловіча на старых могілках у Маладзечне
Даведка. Міко́ла Іва́навіч Ермало́віч (29 красавіка 1921, в. Малыя Навасёлкі на Койданаўшчыне, цяпер Дзяржынскі раён, Мінская вобласць – 5 сакавіка 2000, Маладзечна) – беларускі публіцыст, крытык і літаратуразнаўца, заснавальнік новай беларускай рамантычнай гістарыяграфіі, аўтар і выдавец непадцэнзурных тэкстаў 1960-1980-х г. Псеўданімы: Сымон Беларус, М. Ермолов, Я. Мікалаеў, Мікола Наваселец, М. Ярмолаў.
be.wikipedia.org
Валянцін ЦІШКО
Фота з архіва Край.бай і сямейнага альбома Алены Ермаловіч
Читайте также
