Опубликовано: 14 октября 2016, 12:15
55

Статуэткі «Талент-2016» уручылі лепшым культработнікам Маладзечанскага раёна (фота)

Названыя імёны ўладальнікаў штогадовай спецыяльнай прэміі райвыканкама «Талент-2016», якая ўручаецца работнікам культуры з нагоды іх прафесійнага свята.

Сэнс жыцця

Изображение 1

У намінацыі "Кіраўнік творчага калектыву года", паведамляе сайт “Маладзечанскай газеты”, адзначана Віталія Залога. З дзяцінства яна захаплялася танцамі, актыўна ўдзельнічала ў конкурсах і фестывалях, а з цягам часу харэаграфія стала сэнсам яе жыцця. З 2006 года Віталія кіруе студыяй эстраднага танца "ВіЗаВі" пры Палацы культуры, у 2010-м гэтаму творчаму калектыву прысвоена ганаровае званне ўзорнага.

Брава, "Батлейка"!

Изображение 2

"Дырэктарам года" стала Ала Палякова. Многія раённыя мерапрыемствы праходзяць з удзелам Мінскага абласнога тэатра лялек "Батлейка", якім яна кіруе 25 гадоў. З 1996 года Ала нязменны сакратар савета дырэктараў тэатра лялек Беларусі, а з 2011-га – ганаровы член Міжнароднай асацыяцыі тэатраў лялек UNIMA. Таксама з’яўляецца ініцыятарам міжнароднай акцыі "Тэатры свету – дзецям". Сёлета ўдастоена прэміі Анатолія Ляляўскага.

Непрыкметная работа канцэртмайстра

Изображение 3

"Канцэртмайстрам года" названа Алена Руткоўская, якая працуе ў дзіцячай школе мастацтваў. Яна толькі пачынае шлях у прафесію, але ўжо зарэкамендавала сябе як добрасумленны, высокапрафесійны, неабыякавы да сваёй справы работнік. На працягу некалькіх гадоў працуе канцэртмайстрам узорнага хору "Журавачка".

– Я вельмі ўдзячная арганізатарам прэміі "Талент" за тое, што заснавана намінацыя "Канцэртмайстар года", – гаворыць Алена. – Наша работа непрыкметная, але вельмі важная для творчага калектыву.

Праваднікі ў моры інфармацыі

Изображение 4

Звання "Бібліятэкар года" ўдастоена Таццяна Жаўнерчык, загадчыца бібліятэкі-філіяла №8 гарадскога пасёлка Радашковічы. Менавіта бібліятэкары з’яўляюцца праваднікамі ў невычэрпным моры кніг і інфармацыі. Бібліятэка-філіял №8 абслугоўвае 3 100 радашкоўцаў, у яе фондзе звыш 45 тысяч асобнікаў. Асноўныя напрамкі работы – краязнаўства і экалогія. Гэта ўстанова з’яўляецца інфармацыйна-адукацыйным цэнтрам для дзяцей, падлеткаў і дарослых. Таксама пад кіраўніцтвам Таццяны працуе клуб для пажылых людзей "Крыніца", дзе праходзяць музычныя вечары, гадзіны духоўнасці, бенефісы аўтарскай песні і іншыя мерапрыемствы.

Адметны падыход

Изображение 5

У намінацыі "Майстар года" вызначана Ала Бажко, метадыст-майстар Маладзечанскага раённага цэнтра рамёстваў. Доўгі час яна займаецца рознымі відамі дэкаратыўна-прыкладной творчасці. Яе работы – як у сучасным стылі, так і ў народных традыцыях – заўсёды адрозніваюцца адметным падыходам да стварэння вобраза, настрою. І гэта не застаецца не заўважаным: цяжка пералічыць усе ўзнагароды майстра Бажко. З задавальненнем Ала дзеліцца вопытам і з падрастаючым пакаленнем, ладзіць майстар-класы.

З кагорты неардынарных

Изображение 6

Лепшы "Клубны работнік" – Таццяна Іванчык, мастацкі кіраўнік Беразінскага СДК цэнтралізаванай клубнай сістэмы Маладзечанскага раёна. Агульны яе стаж работы ў сферы культуры – 17 гадоў. Ад 2016-га выконвае абавязкі кіраўніка народнага вакальнага ансамбля "Беразіначка". Гэты калектыў працягвае актыўную канцэртную дзейнасць і з’яўляецца сапраўдным упрыгажэннем мерапрыемстваў, якія праводзяцца ў нашым раёне і за яго межамі. Таксама Таццяна – удзельніца вакальнага ансамбля "Вечарына".

Культработнік года

Изображение 7

"Культработнікам года" названа Ала Яцына, намеснік дырэктара па інфармацыйнай і канцэртнай дзейнасці Палаца культуры. Менавіта пад яе кіраўніцтвам на высокім арганізацыйным узроўні праводзяцца канцэрты беларускіх і расійскіх папулярных творчых калектываў і асобных выканаўцаў. Штораз гэтыя праекты знаходзяць водгукі ў гледачоў. Сёлета Ала актыўна ўдзельнічае ў рэспубліканскай акцыі "Культурная сталіца года".

Шэрагу іншым работнікаў уручаны Ганаровыя граматы абласнога і раённага выканаўчых камітэтаў. Падзячныя лісты і грашовыя прэміі падрыхтавала раённая арганізацыя РГА "Белая Русь". А добрым падарункам для ўсіх прысутных стала канцэртная праграма заслужанага калектыву краіны "Беларускі дзяржаўны акадэмічны музычны тэатр".

Намінантаў, работнікаў і ветэранаў гэтай сферы, якія сабраліся ў Палацы культуры, віталі намеснік старшыні райвыканкама Генадзій Актанаровіч, начальнік аддзела ідэалагічнай работы, культуры і па справах моладзі райвыканкама Алеся Лукоўская, старшыня райкама прафсаюзаў работнікаў культуры Маладзечанскага раёна Галіна Скурат.

Изображение 8

Фота з сайта "Маладзечанскай газеты"



Читайте также

Пытали утюгом. Злоумышленники пытались отобрать у жителя Мядельского района старинную монету
Мядельский районный отдел Следственного комитета расследует уголовное дело о разбое, совершенном группой лиц.
И снова про валидол. Молодечненские футболисты дважды по ходу игры горели «хорошим малым», но все же Игорь Монич вырвал победу
Футбольный клуб «Молодечно» 24 мая на своем стадионе одержал волевую победу со счетом 3:2 над командой 17-летних парней из Академии Белорусской федерации футбола. Зелено-белые всю игру заставляли волноваться своих болельщиков, дважды проигрывая по ходу игры.
Порядок выплаты пенсий изменится с 1 июля. Узнали, как их можно будет получить в сельской местности
Изменится ли порядок выплаты пенсий жителям сельской местности, рассказала начальник Молодечненского регионального узла почтовой связи Светлана Лугина.