Пісьменнікі Анатоль Зэкаў і Анатоль Казлоў прыедуць у Маладзечна на сустрэчу з чытачамі
Творчая сустрэча з пісьменнікамі адбудзецца ў бібліятэцы «Верасок» 7 верасня. Уваход вольны.
Як патлумачыла парталу Край.бай загадчыца аддзела абслугоўвання і інфармацыі Маладзечанскай цэнтральнай раённай бібліятэкі Таццяна Закрэўская, візіт адбудзецца ў межах Дня беларускага пісьменства, які ладзяць у бібліятэцы.
7 верасня ў «Вераску» будзе працаваць выстава беларускіх кніг і часопісаў. Падчас творчай сустрэчы Анатоль Зэкаў, Анатоль Казлоў і Мар'ян Дукса раскажуць пра сябе і свае творы, адкажуць на пытанні чытачоў. Уваход вольны. Сустрэча пачнецца а 14-й гадзіне.
Даведка. Анатоль Зэкаў – беларускі паэт і празаік. Лаўрэат літаратурнай прэміі «Залаты купідон» (2007 год, сатыра і гумар) і прэміі імя Васіля Віткі (2009 год).
Анатоль Зэкаў
Анатоль Казлоў – беларускі празаік, літаратуразнаўца. Аўтар некалькіх празаічных зборнікаў. Працаваў галоўным рэдактарам газеты «Літаратура і мастацтва» (2003-2009). Цяпер супрацоўнік часопіса «Нёман».
Анатоль Казлоў
be.wikipedia.org, фота з сайта www.vlib.by
Мар'ян Дукса
фота з сайта smorgon.gov.by
Мар'ян Дукса – беларускі паэт. Лаўрэат другой Нацыянальнай літаратурнай прэміі (2016) за кнігу «Птушка вечнасці – Душа».
Святлана ЦІШКО
Читайте также
