Опубликовано: 11 июня 2016, 19:42
29

Міністр культуры Беларусі: На фестывалі «Маладзечна-2016» не хапае беларускай паэзіі

На фестывалі «Маладзечна-2016» на першым месцы павінна быць беларускае слова, лічыць міністр культуры Беларусі Барыс Святлоў.

Пра гэта ён расказаў журналістам у дзень адкрыцця Нацыянальнага фестывалю беларускай песні і паэзіі, 10 чэрвеня.

 Изображение 2

Барыс Святлоў адзначыў, што фестываль штогод не прысвечаецца цалкам нейкай асобнай падзеі ці асобе, але грунтуецца на пэўныя даты. Сёлета акцэнты расстаўленыя на трох падзеях. Гэта і год культуры Беларусі, і атрыманне горадам Маладзечна статусу культурнай сталіцы, і, вядома ж, 75-годдзе Уладзіміра Мулявіна.

– Я быў асабіста знаёмы з Мулявіным, але не блізка. Мы жылі як бы ў розных вымярэннях – сказвалася і розніца ва ўзросце. Памятаю, як сустрэў яго ў першы раз. Я, старшакласнік, гуляў у цэнтры Мінска і ўбачыў «Песняроў». Яны ўжо тады набіралі вядомасць. Да гэтага часу памятаю, што тая сустрэча адбылася каля кінатэатра «Перамога», – сказаў міністр.

На фестывалі ён асобна адзначыў выставу невядомых фотаздымкаў Уладзіміра Мулявіна, што адкрылася ў Палацы культуры 10 чэрвеня, сказаў, што абавязкова наведае яе.

Барыс Святлоў 10 чэрвеня ў Маладзечне

Барыс Святлоў 10 чэрвеня ў Маладзечне. Фота Кацярыны Сушко, Край.бай

На думку міністра культуры, на фестывалі на першым месцы павінна быць беларускае слова.  

– Мне заўсёды на гэтым фестывалі не хапае паэзіі, – сказаў ён і дадаў, што ў перспектыве трэба знайсці спосаб, каб беларуская паэзія гучала не толькі на паэтычнай гасцёўні, але і з галоўнай сцэны. – Я з радасцю падтрымаю ўсе пачынанні ў гэтым накірунку, – запэўніў ён.

Валянцін ЦІШКО
Фота Кацярыны СУШКО



Читайте также

«Все звезды сошлись». Культурный символ страны — ХХІІ Национальный фестиваль белорусской песни и поэзии тожественно открыли в Молодечно
ХХІІ Национальный фестиваль белорусской песни и поэзии только что торжественно открыли в Молодечно.
Легковушка «Лада» сбила лося под Молодечно – в больницу отвезли пассажирку автомобиля
В Молодечненском районе, недалеко от деревни Красное, сегодня утром, 9 июня, автомобиль «Лада» сбил лося. Животное погибло. В больницу отвезли 53-летнюю пассажирку легковушки.
Пройдет ли дождь на фестивале? Рассказываем о погоде 9-10 июня
Одной из традиций для молодечненцев стала дождливая погода во время проведения фестиваля белорусской песни и поэзии. Узнали, ожидаются ли осадки в ближайшие дни.