Маладзечанскі фестываль «Скарбы роднага краю» стаў рэгіянальным (фота)
Чацвёрты па ліку фестываль беларускай творчасці “Скарбы роднага краю” прайшоў на тэрыторыі Дзіцячага цэнтра культуры “Расток” 14 мая. У гэтым годзе ён набыў статус рэгіянальнага.
Колькасць калектываў і майстроў, якія зацікаўленыя ў тым, каб зберагчы музычны, танцавальны і мастацкі скарб Беларусі з кожным годам павялічваецца, расказваюць Край.бай арганізатары мерапрыемства.Таму і межы фестывалю пашыраюцца. Сёлета, напрыклад, удзельнікамі свята сталі артысты са Смаргоні.
– Спадзяёмся, што і ў наступным годзе фестываль захавае свой статус. Мы чакаем, што ўдзел у ім прымуць дзіцячыя калектывы з іншых гарадоў рэгіёна, – адзначыла кіраўнік аб'яднання “Спадчына” ДЦК “Расток” Марына Полаз.
Канцэртная праграма фестывалю ўключыла ў 29 нумароў. Гледачы маглі пачуць разнастайныя творы беларускай музычнай творчасці (народнай і аўтарскай, вакальнай і інструментальнай) і ўбачыць беларускія народныя танцы.
На працягу свята працаваў шэраг пляцовак такіх, як “Горад майстроў” ,“Гульнёвы падворак”, фотазона “Бабулін куток”. Акрамя таго, сваё майстэрства дэманстравалі студыі цэнтра “Умелыя ручкі”, “Уют”, “Чароўная палітра” і майстры з Маладзечанскага цэнтра рамёстваў.
Супрацоўнікі цэнтра зладзілі некалькі майстар-класаў па дэкаратыўна-прыкладной творчасці.
Кацярына СУШКО по матэрыялах, прадастаўленных Край.бай Дзіцячым цэнтрам культуры “Расток”
Фотаздымкі прадастаўлены Край.бай Дзіцячым цэнтрам культуры “Расток”
Читайте также
