Квэсты зноў у Маладзечне. Гарадская пошукавая гульня пройдзе 5 мая
5 мая ў 18.00 у Маладзечне прэзентуюць заключную частку квэсту ў двух дзеях “Маладзечанскія Кірыл і Мяфодзій”. Другая частка гарадскога квэсту будзе прысвечана жыццю і дзейнасці гісторыка Міколы Ермаловіча ў Маладзечне.
Арганізатары мерапрыемства – суполка правінцыйных гарадскіх гульняў “Тутэйшыя квэсты” і цэнтральная раённая бібліятэка імя Максіма Багдановіча.
Нагадаем, першая дзея квэсту "Маладзечанскія Кірыл і Мяфодзій. Частка 1: Жыццё і дзейнасць Генадзя Каханоўскага" адбылася 16 студзеня.
Як паведаміла Край.бай адна з арганізатараў квэсту Вольга Трубач, усе заданні будуць звязаныя з месцамі ў горадзе, дзе вядомы гісторык працаваў, жыў, хадзіў.
Механізм гульні наступны: каманда атрымоўвае канкрэтнае заданне і адпраўляецца на пэўнае месца шукаць на яго адказ. Арганізатары прапануюць дзе катэгорыі – пешую і роварную. Максімальная колькасць удзельнікаў у адной камандзе абмежавана чатырма чалавекамі.
Пераможцаў, по словах Вольгі Трубач, чакаюць прызы.
Стартуе квэст у 18.00 у бібліятэцы сямейнага чытання “Верасок”. Удзел бясплатны.
У гэты ж дзень у бібліятэцы будзе праходзіць канферэнцыя, прысвечаная гісторыку Міколу Ермаловічу пад назвай “Летапісец нашай славы” .
Зарэгістравацца для ўдзелу ў гульні можна па тэлефоне 8 (029) 53-53-105.
Кацярына СУШКО
Читайте также
