Кватэрнік легендарнага фолк-гурта «Палац» адбудзецца ў Маладзечне
Плануецца цікавая размова, акустычны канцэрт, конкурсы з падарункамі ад кампаніі «Рок-салідарнасць» і шмат іншага.
Як паведаміў Краю сябра Мінскай абласной рады Таварыства аховы помнікаў гісторыі і культуры, сябра Таварыства Беларускай Мовы Алесь Капуцкі, у пятніцу, 29 чэрвеня,у Маладзечне ў хатцы ТБМ адбудзецца творчая сустрэча з Алегам Хаменка, лідарам гурта «Палац». Месца сустрэчы - вул. Чыстая, 26. Пачатак у 18.30. Уваход вольны.
Даведка. Алег Хаменка - тэле-радыё вядучы, культуролаг, кампазітар, лідэр гурта «Палац», які быў створаны ў 1987 годзе. Яшчэ ў 1993 годзе па выніках фэсту «Radio France International» гурт патрапіў у дзясятку лепшых калектываў Усходняй Еўропы.
У 1994 г. былі першыя гастролі ў Германіі. У 1995 г. выйшаў у продаж першы альбом гурта. Сёння «Палац» мае шэсць паўнавартасных пласцінак.
«Палац» удзельнічаў і перамагаў у такіх фэстах, як «Славянскі базар» (Беларусь), «Басовішча» (Польшча), «Tanz und Folkfest» (Германія), «Азія Даўысы» (Казахстан), «Рок-каранацыя» (Беларусь), «Краіна мрий» (Украіна), «Bela Music» (Беларусь). У розныя часы ў гурце «Палац» гралі Зміцер Вайцюшкевіч і Юры Выдронак.
Сяргей ЛЕСКЕЦЬ
Читайте также
