Кнігу пра пазашлюбныя стасункі шляхты ВКЛ прэзентуюць у Маладзечне 16 жніўня
Прэзентацыя нумароў часопіса “ARCHE” і кніжных навінак адбудзецца ў Маладзечне ў нядзелю, 16 жніўня, а 17.00. Прыедуць абодва рэдактары – Алесь Пашкевіч і Валер Булгакаў.
Як паведамляе сайт arche.by, на суд публікі будуць прадстаўленыя апошнія нумары часопіса, з асаблівым акцэнтам на гістарычную і заходнебеларускую тэматыку:
- №5 за 2015 год («Польшча ў Другой сусветнай вайне»),
- №3/2015 («Гістарыяграфія 1920-х: паўстанні і рэвалюцыі»),
- №12/2014 («Бітва пад Оршай: месца памяці і канфлікт інтэрпрэтацый»,
- №11/2014 («Гарадзенскі міленіум»).
Акрамя таго, будуць прэзентаваныя два дзясяткі кніг, якія выйшлі сёлета ў выдавецтве “ARCHE”, у тым ліку:
- Стэфан Крыстафер Роўэл. Уздым Літвы: паганская імперыя ў Цэнтральнай і Усходняй Еўропе, 1295-1345;
- Дарота Міхалюк. Беларуская Народная Рэспубліка 1918-1920 гг.: ля вытокаў беларускай дзяржаўнасці;
- Наталля Сліж. Шлюбныя і пазашлюбныя стасункі шляхты Вялікага княства Літоўскага ў XVI-XVIІ стст.
Зацікаўленых чакаюць у гасцёўні на Чыстай, 26. Пачатак а 17.00.
Даведкі па тэлефоне +375 (29) 550-79-69.
Па матэрыялах сайта arche.by
Читайте также
