Опубликовано: 10 июня 2013, 17:44
25

Хор «Журавачка» з Маладзечна стаў лепшым на конкурсе харавой музыкі «Талін-2013»

Узорны хор «Журавачка» дзіцячай школы мастацтваў – калектыў, які прадстаўляў Беларусь на XIII Інтэрнацыянальным фестывалі-конкурсе харавой музыкі «Талін-2013» і стаў яго пераможцам.

У Талін юныя спявачкі са сваім мастацкім кіраўніком Вольгай Бялько адправіліся ўпершыню, паведамляе 28 мая "Маладзечанская газета". Перад гэтым прайшлі завочны адбор: высылалі дыск з запісамі выступленняў, з гісторыяй хору.

Спявалі ў філармоніі — адной з галоўных талінскіх канцэртных залаў, сцэну якой упрыгожылі шэсць сцягаў краін-удзельніц: Эстоніі, Аўстрыі, Англіі, Швецыі, Украіны і Беларусі.

У намінацыі «Дзіцячы хор» (узрост удзельнікаў 10-16 гадоў) маладзечанскі калектыў быў адзначаны дыпломам ІІ ступені (у гэтай намінацыі дыплом І ступені не прысудзілі нікому), а таксама узнагароджаны прэміяй у памеры 700 еўра.

Усе дзяўчынкі вельмі стараліся, асаблівая нагрузка лягла на салістак Ладу Лінкевіч, Ліду Цар, Сняжану Бабровіч, Аню Коржык, Віку Тарчыліну, Кацю Паўловіч.

Канцэртмайстрам была намеснік дырэктара ДШМ Вольга Яцэвіч. Арганізацыйныя пытанні дапамагалі вырашаць выкладчыкі Людміла Раінчыкава, Ірына Наумава. Перакладчыцай была Ганна Калбаска.

Пасля мерапрыемства ў дзіцячую школу мастацтваў прыйшло пісьмо-падзяка ад арганізатараў фестывалю.

У чэрвені «Журавачка» прадставіць Беларусь на чарговым міжнародным фестывалі ў італьянскім горадзе К’еці.

Па матэрыялах «Маладзечанскай газеты»



Читайте также

Автобус №23 в Молодечно изменил маршрут из-за школьников
Вместо заезда к гаражам транспорт будет заезжать за учениками СШ №12. С понедельника, 12 декабря, частично меняется маршрут городского автобуса №23.
Предприниматель из Молодечно предлагал строительные и ремонтные работы и обманул 151 заказчика
А в вашем ящике не «болталась» яркая рекламка группы компаний «НьюХаус»? Компания предлагала услуги по продаже троительных материалов, окон, дверей, мебели, столярные и плотницкие работы. Но вот оказывала услуги не всем заказчикам.
Транспортный налог в 2023 году. Каких изменений ждать?
Узнали какие новшества, касаемые транспортного налога, планируются на 2023 год.