Фальклорныя святы адбудуцца ў маладзечанскім дзіцячым цэнтры культуры “Расток”
Дзіцячая выстава “Карціны, намаляваныя самой прыродай” пройдзе ў красавіку, фальклорны фестываль “З крыніц спрадвечных песня льецца” - у маі.
30 красавіка - “Хай поўніцца птушыным спевам Беларусь” з удзелам дзяцей аб’яднання “Беларуская спадчына”. Святкаванні адбудуцца на адкрытай пляцоўцы ў 11.00 і ў 12.30.
У праграме свята тэатралізаваныя дзеі, гульні, забавы, віктарыны, а таксама выстава дзіцячых работ “Карціны, намаляваныя самой прыродай”. Запрашаюцца ўсе жадаючыя наведаць святы.
З мэтай папулярызацыі беларускай нацыянальнай культуры і дзіцячай народнай творчасці, падтрымкі і стымулявання творчых калектываў 23 мая з 10.00 да 14.00 у ДЦК “Расток” будзе праходзіць фальклорны фестываль “З крыніц спрадвечных песня льецца”.
Да ўдзелу запрашаюцца дзіцячыя фальклорныя вакальныя, харэаграфічныя, інструментальныя, тэатральныя калектывы і асобныя выканаўцы. А таксама ўдзельнікі студый ДПМ і выяўленчага мастацтва.
У праграме фестывалю: выступленні калектываў, “Гульнёвы падворак”, “Горад майстроў”, выстава-продаж кулінарных вырабаў “Беларускія прысмакі”. Завяршыцца фестываль “Карагодам сяброў”.
Заяўкі на ўдзел у фестывалі прадстаўляюцца да 2 мая па адрасу: вул. К.Буйло, 1, або па факсу: 76-46-25.
Даведкі па тэл. 74-60-81.
Дзіцячы цэнтр культуры “Расток” для Кraj.by
Читайте также
