Цэнтр творчасці дзяцей і моладзі "Маладзік" на фестывалі “Маладзечна-2013” прадставіў сваю бізнес-кампанію (ФОТА)
Найбольшым попытам у пакупнікоў карысталіся сувеніры з бісеру.
Пра гэта Край.бай расказала метадыст цэнтра творчасці дзяцей і моладзі “Маладзік” Кацярына Пільнік.
Бізнес-кампанія цэнтра “Поспех” дзейнічае з 18 студзеня. Навучэнцы цэнтра творчасці “Маладзік” займаюцца вырабам сувеніраў, якія потым выстаўляюцца на продаж. Кожны з супрацоўнікаў кампаніі атрымлівае заробак, адпаведны выкананай працы.
Вырабы бізнес-кампаніі былі прадстаўленыя на тэматычнай пляцоўцы “Маладзечна – мой горад дзяцінства”, якая дзейнічала 7-8 чэрвеня каля кінатэатра “Радзіма” у межах фестывалю песні і паэзіі “Маладзечна-2013”.
Попытам карысталіся сувеніры з бісеру і валянай воўны на магнітах, зробленыя кампаніяй “Поспех”.
Акрамя таго, на тэматычнай пляцоўцы працавала выстава дэкаратыўна-прыкладной творчасці “Мелодыі лета” ЦТДзіМ “Маладзік”. Тут былі прадстаўленыя вырабы педагогаў і навучэнцаў цэнтра творчасці. Цікавасць у людзей выклікалі льняныя лялькі ў нацыянальных строях, ружы са скуры, дрэвы і кветкі з бісеру.
– Аб’яднанні па інтарэсах дэкаратыўна-прыкладнога профілю нашага цэнтра карыстаюцца вялікай папулярнасцю. У іх займаюцца каля 1 240 дзяцей горада і раёна – гэта амаль палова ўсіх навучэнцаў цэнтра творчасці. На сённяшняй выставе прадстаўлены лепшыя з работ, таму я магу з упэўненасцю сказаць, што выстава – гэта наш гонар і гонар нашых выхаванцаў, – адзначыла намеснік дырэктара ЦТДзіМ “Маладзік” Наталля Усцюшэнка.
Для тэматычнай пляцоўкі “Маладзечна – мой горад дзяцінства” цэнтр “Маладзік” падрыхтаваў таксама канцэртна-гульнявую праграму.
Вядучыя канцэртнай праграмы Карына і Наталля Бабаян
Метадыст ЦТДіМ "Маладзік" Кацярына ПІЛЬНІК для Край.бай
Фота аўтара
Читайте также
