На аўтобусным прыпынку «МЗМК» у Маладзечне з’явіўся новы павільён для пасажыраў
Выраблены ён на Маладзечанскім заводзе металаканструкцый.
Як паведаміў інжынер-канструктар РУП «МЗМК» М.В. Марчук, ад задумы па добраўпарадкаванні прыпынку да рэалізацыі праекта прайшоў усяго месяц, піша сайт Маладзечанскага райвыканкама. Прадпрыемства пайшло на гэты крок па просьбах сваіх работнікаў.
"Канструкцыя павільёна, які быў усталяваны на прыпынку раней, адпавядала патрабаванням рэгіёнаў з цёплым кліматам, — удакладніў Мікалай Васільевіч. – Цяпер пасажыры будуць адчуваць сябе больш утульна. У іх з’явілася магчымасць надзейна схавацца і ад дажджу, і ад снегападу. Усе работы – ад распрацоўкі праекта да мантажу гатовай канструкцыі — былі выкананы работнікамі РУП «МЗМК». Кошт павільёна — каля 60 мільёнаў руб".
Нашли ошибку в тексте? Выделите ее и нажмите Ctrl + Enter
Читайте также
