Маладзечанцы ўдзельнічаюць у першым агульнабеларускім ФотаБатле
Сямнаццаць аматарскіх каманд з розных гарадоў краіны спаборнічаюць у фотамайстэрстве, крэатыве і фантазіі.
Пра гэта 12 мая паведаміў сайт t-styl.info.
У 10.00 на старт выйшлі каманды з Гродна і Брэста, Мінска і Лунінца, Слуцка і Гомеля, Воршы і Віцебска, Баранавічаў і Маладзечна.
ФотаБатл з'яўляецца першым мерапрыемствам ІІІ Фестывалю моладзевай журналістыкі “Твой стыль”.
Задача каманд-удзельніц: зняць серыі здымкаў на тэмы «Быць у стылі», «Горад сёння», «Еўропа, мы свае!» і сёння ж да 18-й гадзіны даслаць свае працы арганізатарам турніра. Галоўныя крытэрыі ацэнкі конкурсных прац – гэта адпаведнасць тэме і крэатыўны падыход.
Журы конкурса вызначыць як каманды-пераможцы па кожнай з серый, так і каманду-пераможцу ў агульным заліку.
Удзельнікі каманды-пераможцы будуць запрошаныя на ІІІ Фестываль моладзевай журналістыкі “Твой стыль” (25-27 мая 2012 г., г. Гродна), дзе атрымаюць узнагароды і падарункі ад арганізатараў і партнёраў Фестывалю. Прызёры турніра атрымаюць дыпломы.
Вынікі ФотаБатла будуць падведзеныя 18 мая.
Па матэрыялах t-styl.info
Читайте также
Хайп или свое родное, народное? Прошли по Молодечно, посмотрели, хайпуют ли торговцы на теме усопших
