У Мядзеле прызначылі новага галоўнага ідэолага
На пасаду начальніка аддзела ідэалагічнай работы, культуры і па справах моладзі райвыканкама прызначылі Ірыну Пазняк.
Распараджэннем старшыні раённага выканаўчага камітэта Ільі Шацько ад 8 верасня 2014 года №338-рл з 11 верасня начальнікам аддзела ідэалагічнай работы, культуры і па справах моладзі райвыканкама прызначана Ірына Пазняк. Аб гэтым паведамляе “Нарачанская зара”.
Ірына Рышардаўна Пазняк нарадзілася 7 студзеня 1974 года ў Мінску. Адукацыя – вышэйшая, у 2007 годзе закончыла Беларускі дзяржаўны педагагічны ўніверсітэт імя Максіма Танка, у 2010 – Беларускі дзяржаўны ўніверсітэт культуры і мастацтваў. Спецыяльнасці па адукацыі – сусветная і айчынная культура; фальклор; рэкламная інфармацыя і камунікацыі.
Працоўную дзейнасць пачала ў 1993 годзе настаўнікам па класу цымбалаў Стаўбцоўскай дзіцячай школы мастацтваў. Са жніўня 2009 па жнівень 2012 года Ірына Рышардаўна працавала дырэктарам ДУА “Дзераўнянская дзіцячая школа мастацтваў” Стаўбцоўскага раёна Мінскай вобласці.
З 2012 года і да цяперашняга часу ўзначальвала ДУА “Дзяржынская дзіцячая школа мастацтваў” у г. Дзяржынску Мінскай вобласці.
Паводле “Нарачанскай зары”