Глыбоцкія ліцэісты прынялі ўдзел ва Усебеларускім кросе
Удзельнікамі Усебеларускага кросу “Перамога”, які праводзіўся 8 мая ў Мінску, сталі і навучэнцы Глыбоцкага дзяржаўнага прафесійнага ліцэя.
Імі сталі - Вадзім Ціўнэль, Андрэй Мацюк, Аляксандр Дулінец, Антон Крывёнак і Антон Паўловіч (на здымку) і Дзмітрый Бураўскі. Аб гэтым 20 мая паведамляе “Веснік Глыбоччыны”.
Запрашэнне юныя спартсмены атрымалі дзякуючы свайму выступленню ў першынстве Беларусі па лёгкаатлетычным кросе сярод навучэнцаў сістэмы прафтэхадукацыі. Каманда глыбоцкіх ліцэістаў заняла другое месца, апярэдзіўшы спартсменаў з каманд іншых абласцей і г. Мінска.
Каб трапіць на рэспубліканскія спаборніцтвы, юнакі пад кіраўніцтвам выкладчыка фізічнай культуры Уладзіміра Бохана прыклалі нямала намаганняў для перамогі ў абласным кросе, дзе выступалі 24 каманды.
Глыбачане раздзялілі першае месца з аднагодкамі з Наваполацкага каледжа нафтавікоў.
Па матэрыялах “Весніка Глыбоччыны”
Читайте также
