У Глыбокім павіншавалі аграрыяў раёна (ФОТА)

Як паведамляе “Веснік Глыбоччыны”, традыцыйна сваё галоўнае свята года, якое сёлета прыпала на нядзелю, 17 лістапада, работнікі сельскай гаспадаркі і перапрацоўчай прамысловасці АПК раёна адзначаюць напярэдадні.

У іх адрас, а таксама ў адрас ветэранаў сельскагаспадарчай вытворчасці прагучалі словы падзякі за працу. Перад прысутнымі выступілі самадзейныя і прафесійныя артысты.

З дакладам на сходзе выступіў першы намеснік старшыні райвыканкама, начальнік райсельгасхарча Алег Скрабнеўскі.

Узнагароды ўручалі старшыня райвыканкама Алег Морхат, першы намеснік старшыні, начальнік райсельгасхарча Алег Скрабнеўскі, старшыня райкама прафсаюза работнікаў АПК Вячаслаў Кажан, галоўны спецыяліст аддзела ідэалагічнай работы, культуры і па справах моладзі райвыканкама Таццяна Працук, першы сакратар райкама ГА “БРСМ” Эла Ждановіч.

На сцэну пад апладысменты ўздымаліся лепшыя камбайнеры, трактарысты, вадзіцелі, аператары зернесушыльных комплексаў, работнікі і спецыялісты жывёлагадоўчай галіны, кіраўнікі сельскагаспадарчых прадпрыемстваў раёна, старшыні прафсаюзных камітэтаў прадпрыемстваў і арганізацый АПК, маладыя спецыялісты, а таксама навучэнцы прафліцэя, гімназіі, вучні школ раёна, якія найлепшым чынам праявілі сябе ў час летняй працоўнай чвэрці.

За вялікі ўклад у развіццё аграпрамысловага комплексу Ганаровай граматай аблвыканкама ўзнагароджаны дырэктар філіяла “Галубічы” Франц Вайцяховіч, Ганаровымі граматамі райвыканкама – дырэктар ААТ “Мосарлён” Віктар Кейзік, дырэктар філіяла “За Радзіму” Тадэвуш Зяновіч, аператар машыннага даення філіяла “Мнюта” Валянціна Чайка.

Падзякі райвыканкама ўручаны адказным ад райвыканкама за работу сельгасарганізацый – старшыні раённага Савета дэпутатаў Валянціне Сямчонак, начальніку аддзела ідэалагічнай работы, культуры і па справах моладзі райвыканкама Таццяне Малатоўнік, начальніку аддзела статыстыкі раёна Галіне Муравей.

На свяце прысутнічалі і былыя кіраўнікі Глыбоцкага раёна – Валерый Акуленка, Віктар Сініцкі, Міхаіл Кандзерскі. Яны таксама атрымалі падарункі з рук старшыні райвыканкама Алега Морхата.

З прамовай на свяце выступіў старшыня райвыканкама Алег Морхат.

За пару гадзін да свята на плошчы каля Дома культуры пачалі працаваць гандлёвыя рады – сваю прадукцыю прадставілі перапрацоўчыя прадпрыемствы раёна.

На працягу ўсяго дня ўдзельнікаў свята віншавалі самадзейныя артысты горада і пасёлка Падсвілле, а таксама ансамбль “Верасы”.

Паводле “Весніка Глыбоччыны”