Правялі зіму і сустрэлі вясну ў Глыбокім (ФОТА)
У мінулую нядзелю, 3 сакавіка, на Цэнтральнай плошчы глыбачане і госці горада сустрэлі вясну.
Як паведамляе “Веснік Глыбоччыны”, на ўзбярэжжы возера Кагальнае шчыравалі над афармленнем ледзяных скульптур мастакі-ўмельцы з лясгаса, прафліцэя, мясакамбіната, з іншых працоўных калектываў. Была магчымасць паназіраць за лыжнымі гонкамі, у якіх прымалі ўдзел лепшыя спартсмены раёна, а таксама - за аматарамі зімняй рыбалкі.
Адкрываючы свята, старшыня райвыканкама Алег Морхат падкрэсліў:
- Наша свята праходзіць напярэдадні Масленіцы па праваслаўным календары. Таму давайце звернемся з малітвамі да Госпада Бога.
Тэма Масленіцы знайшла адлюстраванне і ў кампазіцыі са снежных скульптур, зробленай майстрамі з Глыбоцкага лясгаса. Дарэчы, гэтая кампазіцыя прызнана лепшай з усіх, якія былі прадстаўлены на конкурс.
У гульнях, забавах, конкурсах прымалі ўдзел як дарослыя, так і дзеці. Прайшло таксама і тэатралізаванае прадстаўленне. А кульмінацыяй стала падвядзенне вынікаў конкурсу падворкаў сельсаветаў. Лепшымі журы назвала падворкі Узрэцкага, Удзелаўскага, Ломашаўскага, Галубіцкага, Азярэцкага сельсаветаў.
На лыжні роўных не было спартсменам мясакамбіната. Сярод прызёраў - лыжнікі раённага аддзела дэпартамента аховы, прафліцэя.
У конкурсе аматараў зімняй рыбалкі тройка прызёраў выглядае так: Дзвінская эксперыментальная база, аўтатранспартнае прадпрыемства №16, ААТ “КупцовЪ”.
Па матэрыялах “Весніка Глыбоччыны”
Читайте также
