Занальнае свята «Тэатральная вясна – 2014» прымае 5 красавіка Глыбокае (ПРАГРАМА)
Плануецца, што свае пастаноўкі на ім прадставяць народныя аматарскія тэатральныя калектывы з Докшыц, Браслава, Лепеля і іншых гарадоў вобласці.
Як паведаміла Kraj.by дырэктар раённага арганізацыйна-метадычнага цэнтра аддзела ідэалагічнай работы райвыканкама Алена Заяц, свята прысвечанае 70-годдзю вызвалення Беларусі ад нямецка-фашысцкіх захопнікаў.
Свае пастаноўкі прадставяць народныя калектывы з Верхнядзвінска, Лепеля, Браслава, Міёраў, Наваполацка, Докшыц і Полацка.
Журы будзе ацэньваць работы па наступных крытэрыях:
- выкарыcтанне беларускай нацыянальнай спадчыны;
- сучаснасць ідэі спектакля, яго маральная і эстэтычная накіраванасць;
- навізна і актуальнасць творчай задумы спектакля;
- кампазіцыйная цэласнасць;
- мастацкі ўзровень і стылістычнае адзінства.
Яшчэ адзін занальны этап «Тэатральнай вясны – 2014» адбыўся 26 сакавіка ў Лёзне.
У кожнай зоне па выніках конкурснага прагляду вылучаюцца пераможца (Гран-пры) свята, прызёры (1, 2, 3 месцы) у дзвюх намінацыях: драматычны спектакль і малыя тэатральныя формы (монаспектакль, літаратурна-музычная кампазіцыя, ансамбаль чытальнікаў). Таксама журы адзначыць дыпломамі лепшыя калектывы па дадатковых намінацыях: лепшае сцэнічнае ўвасабленне класічнай сусветнай і нацыянальнай беларускай драматургіі, лепшае сцэнічнае ўвасабленне твораў сучасных беларускіх аўтараў, лепшая рэжысура, лепшая сцэнаграфія, лепшая мужчынская роля, лепшая жаночая роля і інш.
У межах «Тэатральнай вясны – 2014» праходзіць дабрачынная акцыя «Пасылка франтавікам». Калектывы-ўдзельнікі па сваім жаданні рыхтуюць падарунак ветэранам вайны, якія будуць запрошаныя на свята.
У Глыбокім свята пройдзе 5 красавіка ў Доме культуры. Пачатак аб 11-й гадзіне.
Фотарэпартаж са свята можна паглядзець ТУТ.
Яўген ЦЯЛІЦА
Читайте также
