На Глыбоччыне былая настаўніца выдала зборнік вершаў за ўласныя сродкі
Падсвільчанка Зоя Наваенка, якая вядомая аматарам мастацкага слова як аўтар дакументальнай аповесці “Дзяцінства ў тумане вайны”, за ўласныя сродкі выдала невялікі зборнік вершаў і песень “Рэха”.
Зоя Максімаўна (у мінулым – настаўніца) у сваім сціслым звароце да чытачоў напісала так:
“Ёсць паэты добрыя і вельмі добрыя. А я ўвогуле не паэт. У кнізе прадстаўлены рытмічныя рыфмаваныя сачыненні. Водгук, водгалас лірыкі: Рэ-ха-а-а! “. Але, як піша “Веснік Глыбоччыны”, у асобных яе творах ёсць залатыя крупінкі паэзіі. І чытач абавязкова іх знойдзе.
Адзін з вершаў паэткі:
Роднае
Я аб Беларусі
Павяду размову,
Праспяваць бяруся
Толькі роднай мовай.
Пра гоман дубровы,
Пра сцяжынку вузкую.
Падбяру я словы
Пра польку беларускую.
Пра блакіт азёрны,
Слоту туманоў,
Пра самотны вечар
Даўніх курганоў.
Паводле "Весніка Глыбоччыны"
Читайте также
