ФОТА- і ВІДЭАРЭПАРТАЖ: Як у Глыбокім Цярэшку жанілі
Каб адрадзіць гэты народны абрад, у Глыбокае завіталі госці з Лепеля. Менавіта на Лепельшчыне гэты абрад не перарываўся, ён захаваўся да нашых дзён. Мерапрыемства адбылося у Глыбоцкім гарадскім цэнтры культуры 17 студзеня.
Напачатку старэйшыя ўдзельнікі падзяліліся ўспамінамі пра тое, як гэты абрад праходзіў на Глыбоччыне. Потым лепельскія госці распачалі само мерапрыемства. Яны не пакінулі ў зале нікога ў якасці гледачоў, усе былі задзейнічаныя ў мерапрыемстве. І хаця напачатку шмат хто саромеўся і не хацеў удзельнічаць, лепельчане змаглі разварушыць гасцей.
Тут былі і старадаўняя музыка, выкананая на дудзе і скрыпцы, і старыя беларускія танцы, і гульні. Усе засталіся задаволеныя і выказалі надзею, што ў наступным годзе гэты абрад будзе праведзены ў больш шырокім коле гледачоў. А надалей ужо глыбачане пасадзейнічаюць таму, каб адрадзіць гэты абрад і ў суседніх раёнах.
Арганізатары мерапрыемства – сябры глыбоцкай суполкі БАЖ.
Леанід ЮРЫК
Фота і відэа аўтара
Читайте также
