Юбілейны кінафестываль «Magnificat-2014» распачнецца 24 жніўня і пройдзе ў Глыбокім і Мінску
Дзясяты раз у Беларусі пройдзе Міжнародны каталіцкі фестываль хрысціянскіх фільмаў і тэлевізійных праграм «Magnificat». З 24 па 28 жніўня ў Мінску і Глыбокім будуць паказаны 43 кінастужкі з 16 краін свету.
Найбольшую колькасць конкурсных фільмаў – 12 – у гэтым годзе даслалі з Расіі. На другім месцы – гаспадыня фестывалю Беларусь – 10 стужак. Замыкае тройку краін па колькасці конкурсных прац Польшча – 7 фільмаў, піша catholic.by.
Геаграфія краін – удзельніц юбілейнага «Магніфіката» – Арменія, Вялікабрытанія, Грузія, Ізраіль, Італія, Іспанія, Казахстан, Македонія, Сербія, ЗША, Украіна, Францыя і Харватыя.
Сярод рэжысёраў, якія даслалі свае працы на конкурс, – Вольга Дашук, Ірына Волах, Аляксандр Купрын, Кшыштаф Журоўскі, Юрый Каліна, Юрый Захватаеў і іншыя.
Фестываль распачнецца 24 жніўня ў Мінску, а на наступны дзень пераедзе ў Глыбокае, дзе будзе прадстаўлена большасць конкурсных фільмаў. У межах фестываля некаторыя фільмы можна будзе паглядзець таксама ва Удзеле.
Традыцыйна на фестывалі пройдзе асобны конкурс мультыплікацыйнага кіно для дзяцей з дзіцячым журы, а таксама сустрэча з гледачамі «Магніфіката».
Юбілей кінафестываля супаў з юбілеем яго стваральніка і кіраўніка. Рэжысёр Юрый Гарулёў святкуе сёлета сваё 70-годдзе.
ПРАГРАМУ фестывалю можна ўбачыць ТУТ.
Паводле catholic.by
Читайте также
