Конкурс на лепшы відэафільм пра родны горад праводзяць у Глыбокім
Усе дапушчаныя да конкурса работы ў чэрвені пакажуць гледачам і журы ў кіназале гарадскога цэнтра культуры.
Конкурс на лепшы відэафільм аб родным горадзе і яго людзях праводзіць аддзел культуры райвыканкама ў межах праекта падрыхтоўкі да святкавання 600-годдзя Глыбокага “Мой горад – мой лёс”.
Пра гэта расказала Край.бай дырэктар раённага арганізацыйна-метадычнага цэнтра аддзела культуры Глыбоцкага райвыканкама Алена Заяц.
Для ўдзелу ў конкурсе неабходна прадставіць заяўку на адрас аргкамітэта (завулак Энгельса, д. 41а, каб. 11) не пазней 1 чэрвеня 2014 года. Колькасць заявак на аднаго аўтара не абмежаваная. У заяўках абавязкова ўказваецца хранаметраж (не больш за 30 хвілін), назва фільма і аўтар.
Інтэрпрэтацыі старых відэафільмаў да ўдзелу ў конкурсе не дапускаюцца. Прымаюцца відэафільмы пра горад Глубокае і аб яго людзях, выкананыя ў любым жанры, высокай якасці, у фармаце avi на DVD.
Усе дапушчаныя работы прадэманструюць гледачам і журы ў кіназале цэнтра культуры ў чэрвені – для канчатковага рашэння журы і каб выявіць глядацкія сімпатыі. Аўтараў лепшых фільмаў узнагародзяць прызамі і дыпломамі.
Паводле ўмоў конкурсу, аргкамітэт мае права выкарыстоўваць прадстаўленыя відэафільмы і распаўсюджваць іх у якасці рэкламы горада і сувенірнай прадукцыі.
Яўген ЦЯЛІЦА
Читайте также
