ФОТАРЭПАРТАЖ: Мёд, сыры і рыбу прапаноўвалі сельскія Саветы Глубоччыны на тракце «Шчодрыца» ў Дзень пісьменства
Кожны пастараўся зрабіць свой падворак тэматычна адметным ад іншых.
Пліская сядзіба выступіла пад дэвізам: “Рады вас мы сустракаць, стравай з бульбы частаваць!”.
Псуеўскі сельскі Савет арганізаваў “Хату паляўнічага” з сапраўднымі чучаламі звяроў.
Прапаноўвалі на тракце “Чай, лекі з народнай аптэкі”.
Залескі сельсавет запрашаў да дэгустацыі сыроў ад “Малочнага раздолля”.
Арыгінальна аформілі свой падворак прадстаўнікі Азярцоў, назваўшы яго “Залаты карась”. Гасцям прапаноўвалі сфатаграфавацца ля стэнда з выразанымі адтулінамі для твараў у вобразе матроса і русалкі. Таксама побач стаяла пераапранутая “русалка”, якая запрашала зрабіць здымак і з ёй “жывой”.
На сваім падворку казакі, не саромячыся, елі і пілі за сталом.
“Сямейная пасека” прадставіла гасцям свае фотаздымкі за работай, мёд і прылады працы, патрэбныя на пасецы.
Песнямі і скокамі весялілі сваіх гасцей дзяўчаты з Удзелаўскага падворка. Кожнаму налівалі квас і запрашалі да танцаў.
Гасцей запрашалі дакрануцца да “Мяшка шчасця” і загадаць жаданне, якое абавязкова павінна спраўдзіцца.
Увесь тракт выглядаў даволі тэатралізавана і арыгінальна.
Усе навіны пра Дзень беларускага пісьменства чытайце ТУТ.
Фота свята можна паглядзець ТУТ.
Алёна СПІРЫДОН
Фота Міхаіла МАРЖЭЎСКАГА і Сяргея ЛЕСКЕЦЯ
Читайте также
