У Браславе прайшоў хрысціянскі баль (фота)
Напярэдадні Адвэнту, у суботу 26 лістапада, у браслаўскай парафіі прайшоў хрысціянскі баль. Ксёндз Уладзімір Шыдлоўскі, як арганізатар імпрэзы, прапанаваў вернікам правесці вечар у шыкоўнай атмасферы супольнай забавы.
Шмат сем’яў і вернікаў прыйшлі ў залу, але, напэўна, ніхто нават не ўяўляў, якое святочнае месца для іх было падрыхтавана, паведамляе сайт catholicnews.by. У гэты вечар кожны адчуваў сябе чаканым, запрошаным госцем, якому рады.
Моманты хрысціянскага балю
Дзякуючы дапамозе с. Таццяны Гмыза і вядучай Анжалікі Пілат, вечар быў напоўнены конкурсамі, забавамі, інтэграцыйнымі танцамі. Хочацца выказаць словы ўдзячнасці кс. Уладзіміру, а таксама ўсім, хто дапамог арганізаваць імпрэзу. Як адзначыў святар, яму хацелася стварыць добрае свята, супольны адпачынак для сем’яў парафіі, прапанаваць альтэрнатыву пасядзелкам ля тэлевізару. І гэта сапраўды атрымалася.
Фота з сайта catholicnews.by
Нашли ошибку в тексте? Выделите ее и нажмите Ctrl + Enter
Читайте также
