У Браславе прайшлі ўрачыстасці Маці Божай Валадаркі Азёраў (ФОТА)
Санктуарый Маці Божай у Браславе сабраў людзей з розных куткоў Беларусі, бліжняга і далёкага замежжа.
Край.бай анансаваў урачыстасці. Як паведамляе «Браслаўская звязда», першымі на сустрэчу прыехалі ў Браслаў маладыя вернікі. Больш за ўсё іх было з Віцебскай дыяцэзіі. Умацаваць веру, вырасці духоўна завіталі і прадстаўнікі больш далёкіх парафій.
15 і 16 жніўня хлопцы і дзяўчаты, якіх прыехала на сустрэчу каля 300 чалавек, паглыблялі і ўмацоўвалі сваю веру ў малітвах, на канферэнцыях, у дыспутах.
Разам з іншымі аднагодкамі яны спалучалі ў Браславе духоўныя практыкаванні з адпачынкам, часткай якога былі выступленні польскага ансамбля “Рэха святой песні”. Ва ўрачыстасцях бралі ўдзел галоўны арганіст Мінскага кафедральнага сабора Уладзімір Неўдах, парафіяльны хор “Залатая горка” з Мінска пад кіраўніцтвам Святланы Шэйпы.
Галоўныя падзеі разгарнуліся ў суботу, 17 жніўня. У гэты дзень на свята ўшанавання Маці Божай Браслаўскай прыбылі рэліквіі св. Тэрэзы ад Дзіцятка Езуса. Устаноўленыя на алтары-караблі, яны знаходзіліся там на працягу святой імшы, у якой бралі ўдзел кансакраваныя і свецкія асобы.
Па матэрыялах «Браслаўскай звязды»
Читайте также
