Пад Глыбокім успаміналі расстраляных падчас Другой сусветнай вайны ксяндзоў (ФОТА)
4 сакавіка ва ўрочышчы Барок, што недалёк ад Глыбокага, ушанавалі памяць мучанікаў Другой сусветнай вайны, сярод якіх былі святары Мечыслаў Багаткевіч, Станіслаў Пыртак і Уладзіслаў Мацькавяк.
Ксяндзы былі расстраляныя 4 сакавіка 1942 г. ва ўрочышчы Барок.
Як піша catholicnews.by, ва ўрочышчы сабраліся парафіяне глыбоцкага касцёла. Каб памяць благаслаўлёных Мечыслава, Станіслава і Уладзіслава жыла доўга, кс. Мечыслаў выказаў жаданне пабудаваць на месцы смерці капліцу ў іх гонар.
Даведка. Ксёндз Уладзіслаў Мацькавяк нарадзіўся 4 верасня 1910 г. у Сытках на Драгічыншчыне. Пасля сканчэння Віленскай духоўнай семінарыі працаваў вікарыем, у гады вайны – пробашчам у Іказні Браслаўскага раёна. У верасні 1941 г. пасля сканчэння Віленскай духоўнай семінарыі яму на дапамогу быў прысланы ксёндз Станіслаў Пыртак. Нягледзячы на забарону немцаў, абодва ксяндзы навучалі мясцовых дзяцей рэлігіі, за што і былі арыштаваныя. Спачатку немцы катавалі іх у Браславе, а 24 снежня 1941 г. святароў прывезлі ў Глыбокае. У другой палове студзеня да іх далучылі ксяндза з Дрысы Мечыслава Багаткевіча. У ноч перад расстрэлам ксяндзы адправілі сваю апошнюю святую Імшу.
catholicnews.by
Паводле catholicnews.by
Читайте также
Матрас горел в квартире дома с двумя газовыми баллонами в Поставах – хозяйка спаслась самостоятельно
