Браслаўскія байкеры наладзілі мотапілігрымку да росіцкай святыні
На мінулым тыдні ў Росіцу на ўрачыстасці ў гонар благаслаўлёных мучанікаў айцоў Юрыя Кашыры і Антонія Ляшчэвіча з Браслава адправілася першая пілігрымка матацыклістаў.
Перад выездам у браслаўскім касцёле арганізатар мерапрыемства, сам байкер са стажам, нагадаў прысутным, што мэта пілігрымкі – у чарговы раз узгадаць подзвіг мучаніцтва росіцкіх святароў і жыхароў, якія загінулі ў гады Вялікай Айчыннай вайны, а таксама памаліцца за загінулых матацыклістаў. Пасля блаславення калона рушыла ў дарогу. Аб гэтым 17 жніўня паведамляе сайт газеты «Браслаўская звязда».
Амаль праз гадзіну пілігрымы прыбылі ў Росіцу да касцёла Найсвяцейшай Тройцы, дзе іх сустрэў пробашч мясцовай парафіі айцец Часлаў Курэчка. Святар акрапіў браслаўчан і іх матацыклы.
Пасля ўдзелу ў святой імшы, пілігрымы наведалі месца спалення жыхароў вёскі Росіца разам са святарамі, дзе ўсклалі вянок і ўшанавалі памяць загінулых.
Па матэрыялах сайта газеты «Браслаўская звязда»
Читайте также
