17 чэрвеня ў Браславе прайшла традыцыйная выстава сабак “Кубак Браслава - 2012” (ФОТА)
У праграму былі ўключаныя: рэспубліканская выстава шнаўцэраў-пінчэраў, рэспубліканская выстава ёркаў, чэмпіянат мопсаў, рэгіянальная выстава сабак усіх парод.
Край анансіраваў выставу раней.
Мерапрыемства праходзіла на гарадскім стадыёне. Гэта было сапраўднае свята як для арганізатараў мерапрыемства Беларускага кіналагічнага аб’яднання “Альба Росс”, так і для ўдзельнікаў з Беларусі, замежжа і браслаўчан. Сакратар клуба Анастасія Асадчая паведаміла Краю: “Для нас выстава ў Браславе гэта не проста чарговае мерапрыемства, але і сапраўдны адпачынак з аднадумцамі і нашымі “дзеткамі” ў палатках сярод непаўторнага хараства прыроды Браслаўшчыны”.
Адметна, што менавіта ў Браславе можна пабачыць прывезеныя з Літвы, Латвіі і не прадстаўленыя ў Беларусі наўогул пароды: ассен пінчэр, лхаса апсо, венгерская выжла і іншыя.
Больш фота глядзіце ў ФОТАГАЛЕРЭІ.
Сяргей ЛЕСКЕЦЬ
Фота аўтара
Читайте также
