Замкавая гара ў Браславе 28-29 мая ператворыцца ў сярэднявечнае паселішча
Міжнароднае свята традыцыйнай культуры “Браслаўскія зарніцы” пастановай Савета Міністраў Рэспублікі Беларусь уключана ў пералік культурных мерапрыемстваў, фінансуемых з рэспубліканскага і мясцовага бюджэтаў.
У гэтым годзе мерапрыемства запланавана на 28-29 мая. Менавіта ў гэты час над горадам зноў загучаць песні ў выкананні тысячнага хору і запрошаных калектываў з розных краін, танцоры здзівяць старадаўнімі танцамі, а Замкавая гара ператворыцца ў сярэднявечнае паселішча. Разам з тым чакаюцца і новаўвядзенні. Напрыклад, канцэрт артыстаў беларускай эстрады.
Усіх сакрэтаў арганізатары свята не раскрываюць. Падрыхтоўка да яго цяпер у разгары, складаецца падрабязная праграма, вядуцца перамовы з калектывамі розных краін. Словам, “Браслаўскія зарніцы” ў 2016 годзе абяцаюць быць яскравымі і запамінальнымі як для даўніх прыхільнікаў, так і гасцей, якія ўпершыню пабываюць на іх.
Як праходзіла свята, у мінулыя гады, можна паглядзець ТУТ.
Па матэрыялах сайта Браслаўскага райвыканкама
Читайте также
