Міжнародны этнамузычны лагер адкрыўся ў Браславе (ВIДЭА)
25 сакавіка ў Браславе адбыўся семінар і афіцыйнае адкрыццё міжнацыянальнага этнамузычнага лагера. Прадстаўнiкi Беларусi, Лiтвы и Латвii будуць дзялiцца культурным вопытам сваiх краiн i пераймаць яго ў суседзей.
Мерапрыемства прайшло ў межах міжнароднага праекта “Паляпшэнне сацыяльна-культурных сувязей паміж Зарасайскім, Даўгаўпілскім і Браслаўскім прыгранічнымі рэгіёнамі і прыцягнення моладзі да актыўнага мясцовага партнёрства”, паведамляе сайт braslav-star.by. Падчас зносін прадстаўнікі трох краін дзяліліся вопытам і выказвалі ўласнае бачанне абмену культурнымі каштоўнасцямі сваіх народаў.
Пра тое, што этнамузычны лагер будзе працаваць у Браславе ў перыяд з 25 сакавіка па 3 красавіка, Край.бай пісаў раней.
Праграма, якая мусіць адбыцца цягам наступных 10 дзён: гэта не толькі навучанне ігры на народных інструментах, але таксама экскурсіі па раёне, экспедыцыі для запісу самабытных выканаўцаў старажытных мелодый і сустрэчы з фальклорнымі калектывамі. Паводле вынікаў лагера будуць праведзеныя тры вечарыны, прысвечаныя кожнай з краін-удзельніц, а таксама адбудзецца агульны канцэрт на сцэне РДК у гэтую нядзелю, 1 красавiка.
Каця Радзівілава, былая ўдзельніца гурта “Стары Ольса”, віртуозна грае на дудзе, скрыпцы і гуслях. На адкрыцці этнамузычнага лагера яна выканала старажытную беларускую мелодыю.
Видео с youtube.com.
Па матэрыялах сайта braslav-star.by.
Читайте также
