Дзень адчыненых дзвярэй адбыўся ў браслаўскіх аграсядзібах (ФОТА)

Сайт «Браслаўскай звязды» пабываў у трох з іх.

Калі ехаць з Браслава ў бок Опсы, на адлегласці трох-чатырох кіламетраў можна заўважыць скульптуру сабакі, што стаіць ля дарогі. Там месціцца сядзіба сп. Веніяміна. Гэты чалавек займаецца «аграсядзібнай» дзейнасцю ўжо некалькі год запар. Найцікавейшым «артэфактам» ля яго хаты падалася сцяна, асвечаная (па словах гаспадара) ксяндзом Булькам.

***

Фальварак сп.Валеўкі ведае, напэўна, кожны жыхар Браслава. Гэты чалавек, ці не першы пачаў займацца аграсядзібамі ў Браслаўскім краі. За шэсць гадоў з балота сваімі рукамі была зробленая цудоўная пляцоўка, дзе зараз месцяцца некалькі пабудоў. Найбольш уражвае замак, у якім знаходзіцца міні-музей - у ім месціцца вялікая колькасць антыкварных прадметаў. У фальварку неаднойчы адпачывалі вядомыя спевакі, спартсмены, палітыкі.

***

Сядзіба сп.Калюжнага мо крыху сціплейшая, але імпануе турыстам сваім спакоем, і утульнасцю пакойчыкаў. Сэрвіс прысутнічае нармалёвы: лазня, тэнісны стол, цудоўная тэраса, дзе можна зрабіць шашлык і адпачыць.

Па матэрыялах сайта «Браслаўскай звязды»