Маладзечанская «Бірута» саступіла «Камунальніку» з Магілёва (ФОТА)
1-2 сакавіка маладзечанская «Бірута» у рамках жаночага чэмпіянату Беларусі прымала на сваёй пляцоўцы (спартыўна-забаўляльны цэнтр) каманду «Камунальнік» з Магілёва.
Партал Край.бай анансаваў гульню.
Сезон 2013/2014 маладзечанкі завяршылі на трэцім месцы дывізіёна «В». Сёлета на фінішы чэмпіянату ім упершыню было дадзена права памерацца сіламі ў 1/8 фіналу (стадыя плэй-оф) з аўтсайдарамі дывізіёна «А». Адзін з іх – «Камунальнік», піша “Маладзечанская газета”.
Нягледзячы на тое, што ў складзе магілёўскай каманды гуляюць больш вопытныя спартсменкі, майстры і кандыдаты ў майстры спорту, маладзечанкі выглядалі дастойна і змагаліся за перамогу да апошняга ачка.
Дзве сустрэчы, як і прадугледжваецца правіламі, згулялі сапернікі. У суботу, 1 сакавіка, гаспадары пачыналі гульню ўпэўнена і нават вялі ў ліку. Але да канца першай партыі не змаглі ўтрымаць ініцыятыву і прайгралі з розніцай у 6 ачкоў. У другой і трэцяй партыях госці таксама былі мацнейшымі і выйгралі з лікам 3:0.
Наступная сустрэча, 2 сакавіка, праходзіла больш напружана. У першай партыі пры ліку 25:25 маладзечанкі мелі ўсе шанцы перамагчы. Аднак каманда прайграла.
Як піша газета, дзяўчатам не хапіла падтрымкі – у час правядзення матчаў трыбуны былі амаль пустымі.
Паводле «Маладзечанскай газеты»
Читайте также
Третяк встал в ворота и не позволил «Гомелю» забить молодечненцам много. Но наши все равно проиграли
