Опубликовано:
47

Ткацкі станок і ўнікальныя прадметы побыту можна ўбачыць на выставе ў Смаргоні (ФОТО)

Выстава “З бабулінага куфра” будзе працаваць у Смаргонскім гісторыка-краязнаўчым музеі па 31 жніўня.

– Народнае ткацтва – адзін са старажытных промыслаў беларусаў. На працягу стагоддзяў яно развівалася, удасканальвалася і перадавалася з пакалення ў пакалення. Векавая гісторыя беларускага народа, яго майстэрства і мастацкі густ знайшлі адлюстраванне менавіта ў народным ткацтве, – адзначыла ў размове з Край.бай навуковы супрацоўнік музея Вольга Самаркіна.

У эспазіцыі прадстаўлена шмат непаўторных даматканых вырабаў канца XIX і XX стагоддзяў з ільну і воўны: дываны, посцілкі, абрусы. Усе працы, удакладніла Вольга Самаркіна, у розныя часы музею падаравалі знакамітыя мясцовыя ткачыхі: Элеанора Сячынская, Вольга Жабінская, Надзея Дамашчыц і іншыя майстрыхі.

Таксама на выставе можна ўбачыць розныя тканыя ручнікі, упрыгожаныя арнаментам і вышыўкай, хатнія прылады апрацоўкі льну і ткацтва.

Изображение 3  Изображение 1

Изображение 2

Цэнтральная месца сярод экспанатаў хатніх прылад займае ткацкі станок – кросны, які быў перададзены ў фонды музея дачкой мясцовай ткачыхі.

Выстава адкрылася 7 жніўня і будзе працаваць да 31 жніўня з 9.00 да 18.00, акрамя панядзелка.

Юлія ЛАХВІЧ па матэрыялах, прадастаўленых Край.бай Вольгай САМАРКІНАЙ
Фотоздымкі забяспечаныя Вольгай САМАРКІНАЙ

Если вы заметили ошибку в статье и хотите сообщить нам об этом, пожалуйста, выделите её и нажмите Ctrl+Enter
смотреть другие новости рубрики »

Добавить комментарий

Имя (обязательно) Email (обязательно) Год
Отправить
Правила размещения комментария