Разыгрываем квіток на оперу «Міхал Клеафас Агінскі. Невядомы партрэт» у Маладзечне
Прадстаўленне адбудзецца 4 кастрычніка ў 19.00 на сцэне канцэртнай залы Палаца культуры Маладзечна.
Маладзечанскі маладзёжны музычны народны тэатр падрыхтаваў оперу «Міхал Клеафас Агінскі. Невядомы партрэт».
Дзеянне разгортваецца ў маёнтку Залессе. Думкамі пра Радзіму, роздумам пра вернасць і адданасць абавязкам прасякнутыя многія сцэны пастаноўкі.
Мастацкім кіраўніком праекта пастаноўкі оперы з’яўляецца заслужаны дзеяч культуры Беларусі Рыгор Сарока − галоўны дырыжор сімфанічнага аркестра Маладзечанскага музычнага каледжа імя М.-К. Агінскага.
Прапануем нашым чытачам магчымасць атрымаць квіток на оперу.
Умовы розыгрышу:
- правільныя адказы на пытанні неабходна даслаць на электронную пошту spec2@kraj.by і пазначыць кантактную інфармацыю для сувязі з Вамі;
- нельга дасылаць больш за адно пісьмо з аднаго і таго ж паштовага адраса;
- у тэме пісьма АБАВЯЗКОВА пазначыць «Розыгрыш білета».
Карыстальнік, які чацвёртым дашле правільныя адказы, а таксама выканае ўсе ўмовы розыгрышу, атрымае квіток на оперу.
Пытанні:
1. Калі нарадзіўся Міхал Клеафас Агінскі (дата, месяц і год нараджэння)?
2. Дзе знаходзіцца музей-сядзіба Міхала Клеафаса Агінскага?
3. У якім годзе і дзе ўпершыню адбыўся прэм’ерны паказ оперы «Міхал Клеафас Агінскі. Невядомы партрэт»?
Дана ЯРУК
Нашли ошибку в тексте? Выделите ее и нажмите Ctrl + Enter
Читайте также
