Юбілейны фестываль “Браслаўскія зарніцы” прайшоў 15-17 чэрвеня (ФОТА)
Міжнароднае свята традыцыйнай культуры “Браслаўскія зарніцы” штогадова праходзіць на пачатку лета. Сюды збіраюцца не толькі госці з суседніх раёнаў і абласцей, але і замежныя дэлегацыі.
На 45-ты юбілейны год у Браслаў прыехалі прадстаўнікі Літвы, Эстоніі, Латвіі, Польшчы, Украіны, Расіі, Азербайджана, Турцыі і Венесуэлы.
Дажджлівае надвор’е паўплывала на святкаванне. Часткова была зменена праграма: арганізатары адмянілі спартыўна-забаўляльную праграму, футбольны матч і выступленне творчых калектываў на пляцоўках горада ў першы дзень свята. У астатнім мерапрыемства прайшло, як планавалася.
Падрабязную праграму можна паглядзець ТУТ.
На працягу свята ладзіліся выступленні беларускіх і замежных музычных калектываў, працавалі дзіцячыя атракцыёны, горад майстроў, на цэнтральнай вуліцы ішоў гандаль, ладзіліся выставы прадпрыемстваў і арганізацый Браслаўшчыны, прайшлі начныя фолькдыскатэкі, спаборніцтвы па шахматах і выстава сабак.
Падрабязнасці пра кожны дзень фестывалю чытайце на Край.by пазней.
Усе фота можна паглядзець ТУТ.
Сяргей ЛЕСКЕЦЬ
Нашли ошибку в тексте? Выделите ее и нажмите Ctrl + Enter