Опубликовано: 19 ноября 2016, 12:00
33

Народны калектыў народнай музыкі “Явар” са Смаргоні адзначыў сваё 15-годдзе

Канцэрт, прысвечаны 15-годдзю ансамбля “Явар”, сабраў поўную залу прыхільнікаў, калег, былых вучняў і проста тых, каму даспадобы жывая музыка.

Амаль усе музыканты “Явара” іграюць у складзе інструментальнай групы народнага ансамбля песні і танца імя Агінскага. Канцэрт ансамбль адыграў фактычна побач з рампай, а навучэнцы харэаграфічнага аддзялення школы мастацтваў і танцоры ансамбля імя Агінскага выступалі ў ролі падтанцоўкі, паведамляе сайт газеты "Светлы шлях".

Праграма ўключала і нумары іншых выступоўцаў. Віншавалі з круглай датай калег народныя калектывы “Кантрасты”, “Субіта”, “Кантабіле”, узорныя дзіцячыя калектывы школы мастацтваў імя Агінскага “Кучарочкі”, “Вілляначка”. А распачаў імпрэзу дзіцячы тэатр эстраднай песні “Камплімент”.

Начальнік аддзела ідэалагічнай работы, культуры і па справах моладзі Таццяна Ражэва ад імя кіраўніцтва райвыканкама павіншавала калектыў і пажадала далейшага плёну і творчага росту. Ад імя ўдзельнікаў струннага ансамбля “Кантрасты” прызналася ў любові да “Явару” і яго кіраўніка Валянціна Бортніка Святлана Коваль.

Кіраўнік народнага ансамбля песні і танца імя Агінскага Аляксандр Лях, перш чым праспяваць пад акампанемент “Явару”, згадаў тых, хто распачынаў творчы шлях у складзе “Ярыцы” (так спачатку называўся калектыў): баяніста Мікалая Ходаша, цымбалістку Марыю Бортнік, якая, дарэчы, была настаўніцай Вольгі Грагоўскай.

Віртуознае выкананне твораў і артыстызм дарылі ў гэты вечар Валянцін Бортнік, цымбалістка Вольга Грагоўская, скрыпачкі Вольга Жук і Яўгенія Петрасян, бас-гітарыст Іван Пяцюк, баяніст Яўген Варонін, ударнік Васіль Юрчанка, а таксама салісты вакальнай групы ансамбля Аксана Дагоцкая, Алена Захарава і Мікалай Карпечкін.



Читайте также

«Выглядят минимум на десять лет моложе». Учительница литературы из Молодечно стала учителем восточных танцев
Молодечненка Жанна Кудренко в 40 лет увлеклась восточными танцами, а в 45 — стала их преподавать. В новую профессию она пришла, отработав до этого 25 лет учителем русского языка и литературы.
Пока рыбаки спали у Вилейского водохранилища у них сгорел автомобиль
Ночью 20 мая в центр оперативного управления Вилейского РОЧС поступил звонок о том, что на берегу Вилейского водохранилища горит автомобиль.
ПЦР-исследования на COVID-19 можно сделать только в государственных лабораториях
Минздрав отменил проведение ПЦР-исследований на COVID-19 в лабораториях частных медицинских центров.